طرق منزلية سهلة لصنع ألعاب وأدوات لببغائك.

بسم الله الرحمن الرحيم

أول شي وقبل ما نبدأ,,, اللي مستعجل أنصحه يروح, ولما يفضى يجي يقرا الموضوع لأنه طويييييييييل مرة <<< المخرج عاوز كده



حبيت أوفر للأعضاء بعض الأساليب المنزلية اللي نحتاجها لتربية الببغاوات والعناية بها.
الأساليب قابلة للتطوير والابتكار, ويقدر أي أحد فيكم يعدل فيها على حسب ضروفه.


بعض الأساليب متعلقة بنظافة الأقفاص, وبها نبدأ بسم الله:

بدل ما نغطي أسفل القفص بجريدة يكون فيها ذكر الله عز وجل, نقدر نستغني عنها بالطريقة التالية
نشتري من أي مكتبه أوراق الوسائل الكبيرة (قيمتها ريال واحد سعودي), خذ كمية بعشرة ريال عشان توفر الوقت.

مثل اللي بالصورة:





نبدأ نقصها على مقاس حوض القفص السفلي كالتالي:





طبعاً نقص كمية حتى نلقاها جاهزة في الأيام القادمة وقت التغيير, ونغطي حوض القفص السفلي بالورقة كالتالي:





شوف ما شاء الله يفتح النفس





الحين خلاص راحح التعب, كل يومين شيل الورقة القديمة وحط بدالها الجديدة, ما يحتاج تغسيل ولا تنقيع في الموية.



نجي الحين لصنع ستاند لوقوف الببغاء.

كلنا نعاني من كبر حجم الاستناد ونعاني من نقله من مكان إلى مكان.

صار الحين اختراع جديد, نقدر ننقل الطير بسهولة وفي أي وقت بدون جهد ولا نعمل زحمة والشارع فاضي.

الحقيقة عندي كم فكرة بطرح لكم منها 3 أفكار سهلة:

الفكرة الأولى حق الكسلانين اللي يبغون شي جاهز:

نشتري سلة عادية مصنوعة من الخيزران والخشب من المحلات الرخيصة.





هذي قيمتها 14 ريال من محل أبو ريالين (اسم المحل ابو ريالين فأكثر <<< فأكثر يوصل لمية )
المهم ان السلة خفيفة وممكن يطيح الببغاء عشان كذا نحط فيها حجر أو أي شي ثقيل, إذا أبوك شبعان فلوس حط بوكه أو محفظته





شوف الببغاء هذا أمازوني ويرفرف بأجنحته بقوة, والسلة ثابته. (تحس انه شوي ويختفي )






الفكرة الثانية: وهي بعد للكسلانين, بس هذي قيمتها 18 ريال من مراكز التسويق, تلاقيها في قسم الأدوات المنزلية





هذي مخصصة لتعليق الموز والفواكه في المطبخ.
تقدر تعلق فيها نص تفاحة مثلاً أو أي فاكهة وتخلي الأخ الكريم سيد ببغاء يمخمخ عليها وانت مرتاح .





الفكرة الثالثة واللي أحبها أكثر:

تعرفون الخشبة حق التيشو أو لفة المناديل الورقية الكبيرة؟
مثل اللي بالصورة








هذي قيمتها من محل ابو ريالين (فأكثر ) ب8 ريال سعودي فقط.

نسمر فيها خشبة صغيرة حسب المقاس اللي نبغاه واللي يناسبنا, ويفضل انها تكون قصيرة عشان ما يروح للطرف وتميل الخشبة أو يوسخ الأرض.





ونقدر نتفنن ونسمر ملعقة خشب كبيرة عشان نقدر نوفر مكان للأكل السريع, مثل الصور التالية:




















أو نقدر حتى نسوي شوي حركات كشخة, وتجيب غصن جميل ومتفرع مثل هذا الغصن وتسمره بحامل المناديل الورقية كالتالي: